బాలీవుడ్ మిస్టర్ ఫర్‌ఫెక్ట్ అమీర్ ఖాన్ దాంపత్య జీవితం మరోసారి విఫలమైంది. తన రెండో భార్య కిరణ్‌రావుకు విడాకులు ఇచ్చినట్టు అమీర్ అధికారికంగా ప్రకటించారు. దీంతో అమీర్, కిరణ్ రావు 15 ఏళ్ల వైవాహిక జీవితానికి తెరపడింది. ఈ వార్తకు సంబంధించిన పూర్తి వివరాల్లోకి వెళితే..

అమీర్ ఖాన్, కిరణ్ రావు సంయుక్తంగా ప్రకటనను విడుదల చేస్తూ.. మా 15 సంవత్సరాల వైవాహిక జీవితంలో జీవితానికి సరిపడే అద్బుతమైన అనుభవాలను, సంతోషాన్ని, ఆనందాన్ని పంచుకొన్నారు. మా బంధం ఒక నమ్మకం, గౌరవం, ప్రేమ అనే పునాదుల మీద బలపడింది. అయితే ఇప్పుడు మేము కొత్త జీవితాన్ని ప్రారంభించాలని అనుకొంటున్నాం. మేమిద్దరం భార్య, భర్తలుగా ఉండలేము. నా బిడ్డకు తల్లితండ్రులుగా ఉంటూనే వేర్వేరుగా జీవించాలని నిర్ణయం తీసుకొన్నాం అని వారు పేర్కొన్నారు.