కువైట్: వైద్య రంగంలోని ప్రతి ఒక్కరికి వ్యాక్సిన్ ఇచ్చేందుకు కువైట్ ప్రభుత్వం సిద్ధమైంది. ఇందుకోసం రేపు(ఆదివారం) వ్యాక్సినేషన్ స్పెషల్ డ్రైవ్ ప్రారంభిస్తోంది. ఆస్పత్రిలోని వైద్య సిబ్బందితో పాటు..వైద్య రంగంతో అనుసంధానమై ఉండే సంస్థల సిబ్బంది, వారి కుటుంబ సభ్యులకు కూడా వ్యాక్సిన్ అందించనుంది. రేపటి వ్యాక్సిన్ డ్రైవ్ లో ఫైజర్ బయోన్టెక్ వ్యాక్సిన్ కేటాయించినట్లు చెబుతున్నారు. వ్యాక్సిన్ తీసుకోవాలనుకుంటున్న వైద్య సిబ్బంది, వారి కుటుంబ సభ్యులు నిబంధనల మేరకు ముందస్తుగా రిజిస్టర్ చేసుకోవాలని ఆరోగ్య మంత్రిత్వ శాఖ వెల్లడించింది.