కువైట్: క్రిమినల్ సెక్యూరిటీ డిపార్టుమెంట్ అధికారులు, నేషనల్ గార్డ్ యూనిఫాం ధరించిన ఓ ఆసియా జాతీయుడ్ని అరెస్ట్ చేశారు. ఓ వ్యక్తి నేషనల్ గార్డు యూనిఫాం ధరించి కనిపిస్తున్న వీడియో ఒకటి సోషల్ మీడియాలో దర్శనమిచ్చింది. ఈ నేపథ్యంలో విచారణ చేపట్టిన అధికారులు, నిందితుడ్ని అరెస్ట్ చేశారు. ఓ టైలరింగ్ షాపులో పనిచేసే తన స్నేహితుడి నుంచి ఆ వస్త్రాల్ని తెచ్చుకున్నట్లు నిందితుడు విచారణలో అంగీకరించాడు. నిందితుడిపై చట్టపరమైన చర్యలు తీసుకోబడతాయి.