మనామా: యాంటీ హ్యూమన్ ట్రాఫికింగ్ డైరెక్టరేట్ - జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్ మరియు ఫోరెన్సిక్ సైన్సు, ఓ బహ్రెయినీ మహిళను అరెస్టు చేయడం జరిగింది. ఆమెకు క్లీనింగ్ సర్వీసెస్ కార్యాలయాలు 2 ఉన్నట్లు అధికారులు గుర్తించారు. ఆమె ఇద్దరు ఆసియా వ్యక్తులతో కలిసి, ఆఫ్రికాకు చెందిన మహిళా డొమెస్టిక్ వర్కర్లను నియమించినట్లుగా పోలీసులు పేర్కొన్నారు. నిందితులైన మహిళ, ఇద్దరు వ్యక్తులు, లేబర్ మార్కెట్ రెగ్యులేటరీ అధారిటీ చట్టాన్ని ఉల్లంఘించినట్లు పోలీసులు తెలిపారు. 29 మంది మెయిడ్స్, అలాగే కొందరు ఆసియా జాతీయుల్ని అరెస్టు చేశారు. నిందితులు అక్రమ నియామకాలు చేపట్టి వారి నుండి, వసూళ్లకు పాల్పడుతున్నట్లు అధికారులు తెలిపారు.