ఒమన్: ఆగస్ట్ 21 నుంచి ఒమన్ సుల్తానేట్‌లో నైట్ లాక్ డౌన్ ఎత్తివేస్తున్నట్లు అధికారులు వెల్లడించారు. కోవిడ్ 19 కొత్త కేసుల సంఖ్య గణనీయంగా తగ్గుతున్న నేపథ్యంలో జన జీవనం సాధారణ స్థితికి తీసుకొచ్చే క్రమంలో ఈ నిర్ణయం తీసుకోవడం జరిగింది. అయితే, పౌరులు నివాసితులంతా కరోనా నిబంధనల్ని తప్పక పాటించాల్సి వుంటుందని అధికారులు పేర్కొన్నారు. ఫేస్ మాస్కులు ధరించడం, ఫిజికల్ డిస్టెన్సింగ్ పాటించడం ద్వారా కరోనా వైరస్ వ్యాప్తిని అరికట్టడంలో సహకరించాలని అధికారులు విజ్ఞప్తి చేశారు.