అజ్మన్: అజ్మన్ లో ఆగస్ట్ 20న ఇండియన్ అసోసియేషన్ అజ్మన్ అలాగే క్రోమ్‌వెల్ యూకే ఇంటర్నేషనల్ ఎడ్యుకేషన్ సహకారంతో భారత బ్లూ కాలర్ కార్మికులకు శిక్షణ, నైపుణ్యాలకు సంబంధించి ఓ కార్యక్రమాన్ని నిర్వహించారు. కార్మికుల నైపుణ్యాలు పెంచుకునేందుకు వీలుగా శిక్షణ అందివ్వడం ఈ కార్యక్రమం తాలూకు ఉద్దేశం. ఇండియన్ అసోసియేషన్ అజ్మన్ ప్రెసిడెంట్ అబ్దుల్లా సలెహ్, క్రోమ్ వెల్ యూకే ఇంటర్నేషనల్ ఎడ్యుకేషన్ ఆపరేషన్స్ డైరెక్టర్ మొహమ్మద్ షాఫిక్ ఈ కార్యక్రమంలో పాల్గొన్నారు. యూఏఈలోని భారతీయులకు నైపుణ్యాల్లో శిక్షణ ఇప్పించేందుకు ఇండియన్ ఎంబసీ పలు కార్యక్రమాల్ని నిర్వహిస్తోందని కాన్సుల్ జనరల్ పేర్కొన్నారు. జనవరి 2021 నుంచి చేపడుతున్న ఈ కార్యక్రమంలో 300 మంది వరకు భారత కార్మికులు లబ్ది పొందినట్లు తెలిపారు. మరిన్ని కార్యక్రమాలు ఇలాంటివి నిర్వహించనున్నట్లు అబ్దుల్ సలాహ్ పేర్కొన్నారు. 50 మంది భారత బ్లూ కాలర్ కార్మికులు తాజా సెషన్‌లో లబ్ది పొందారు.