రియాద్: జనరల్ అథారిటీ ఆఫ్ సివిల్ ఏవియేషన్, పూర్తి వ్యాక్సినేషన్ పొందిన వలసదారులు బ్యాన్ చేయబడిన దేశాల నుంచి వచ్చినా, వారిని అనుమతించేలా నిబంధనల్ని సడలించిన దరిమిలా, అమల్లోకి తెచ్చిన మార్గదర్శకాల ఉల్లంఘన జరిగితే కఠిన చర్యలు తప్పవని హెచ్చరికలు జారీ అయ్యాయి. రెసిడెన్సీ పర్మిట్ (ఇకామా) కలిగివున్న వలసదారులు, వ్యాక్సినేషన్ పొంది వుంటే, ట్రావెల్ బ్యాన్ విధించబడిన దేశాల నుంచి కూడా వారికి సౌదీలోకి వచ్చేందుకు వీలు కల్పిస్తున్నారు. ఇండియా, పాకిస్తాన్, ఇండోనేసియా, ఈజిప్ట్, టర్కీ, అర్జెంటీనా, బ్రెజిల్, సౌత్ ఆఫ్రికా, యునైటెడ్ అరబ్ ఎమిరేట్స్, వియెత్నాం, ఆప్ఘనిస్తాన్ మరియు లెబనాన్ దేశాలపై ట్రావెల్ బ్యాన్ అమల్లో వుంది.