షార్జా: షార్జాలోని అథారిటీస్, కోవిడ్ నిబంధనల్ని కాస్త సడలించారు. పబ్లిక్ ప్రాంతాల్లో సామర్థ్యాన్ని పెంచుతూ నిర్ణయం తీసుకున్నారు. తద్వారా కాస్త ఎక్కువమంది జనం మాల్స్, థియేటర్లకు వెళ్ళేందుకు అవకాశం కలుగుతుంది. 80 వాతం సామర్థ్యం వరకు మాల్స్, సినిమా థియేటర్లకు వెసులుబాటు కల్పించారు. వెడ్డింగ్ హాల్స్ మాత్రం 60 శాతం సామర్థ్యంతో పని చేయాల్సి వుంటుంది. 300కి మించి అతిథులు హాజరు కాకూడదు. ప్రతి ఒక్కరూ ఫేస్ మాస్క్ ధరించాలి, సోషల్ డిస్టెన్సింగ్ పాటించాలి. కోవిడ్ వ్యాక్సినేషన్ అందరికీ తప్పనిసరి. ఎగ్జిబిషన్లు, సోషల్ మరియు కల్చరల్ అలాగే ఆర్టిస్టిక్ ఈవెంట్స్‌కి హాజరయ్యేవారు పూర్తి వ్యాక్సినేషన్ పొంది వుండాలి. అదీ, ఆరు నెలల లోపు వ్యాక్సినేషన్ పొంది వుండాలి. హాజరయ్యేవారు నెగెటివ్ పీసీఆర్ టెస్ట్ (48 గంటల ముందుగా తీసుకున్నది) కలిగి వుండాలి.