సౌదీ: కోవిడ్ 19 వ్యాప్తి నియంత్రణకు సౌదీ ప్రభుత్వం కొత్త గైడ్ లైన్స్ జారీ చేసింది. సమావేశాలు, వ్యాపార సముదాయాల్లో జనాలను పరిమిత సంఖ్యకు కట్టడి చేసేలా మూడు కొత్త నిబంధనలను మార్గదర్శకాల్లో చేర్చించింది.వ్యాక్సిన్ తీసుకోని వ్యక్తులను లోనికి అనుమతిస్తే ఆ సంస్థ నిబంధనల ఉల్లంఘనకు పాల్పడినట్లుగా పరిగణించనున్నట్లు వెల్లడించింది. అలాగే షాపింగ్ మాల్స్, పబ్లిక్ ప్రాంగణాల్లో వంద మందికి మించి అనుమతించొద్దని స్పష్టం చేసింది. పరిమిత సంఖ్యకు మించి జనాలను అనుమతిస్తే ఆయా సంస్థలపై చట్టపరమైన చర్యలు తీసుకుంటామని హెచ్చరించింది.ఈ నిబంధనలను ఉల్లంఘించిన వ్యాపారాలకు జరిమానా విధించనున్నారు. అలాగే ఉల్లంఘన తీవ్రత బట్టి ఆరు నెలల వరకు ఆ సంస్థను మూసివేసేలా అధికారులకు అథారిటీ ఇచ్చినట్లు సౌదీ అంతర్గత మంత్రిత్వ శాఖ స్పష్టం చేసింది.