యూరప్‌: యూరప్‌ నార్త్‌ మెసిడోనియాలో ఘోర ప్రమాదం జరిగింది. టెటొవా నగరంలోని ఓ కోవిడ్‌ హాస్పిటల్‌లో ఒక్కసారిగా మంటలు ఎగసిపడ్డాయి. ఈ ఘటనలో 10మంది మృతి చెందారు. పలువురికి గాయాలయ్యాయి. గాయపడిన వారితో పాటు ఆ ఆస్పత్రిలో చికిత్స పొందుతున్న పేషెంట్లను కూడా ఇతర ఆస్పత్రులకు తరలించారు.

ఇటీవల కరోనా విజృంభణతో తాత్కాలిక ఆస్పత్రిని ఏర్పాటుచేశారు. ఆ హాస్పిటల్‌లో ఓ పేలుడు జరిగిందని..ఆ తర్వాత పెద్ద ఎత్తున మంటలు వ్యాపించాయని తెలిపారు అధికారులు. అగ్నిప్రమాదంతో ఆ ప్రాంతమంతా దట్టమైన పొగ అలుముకుంది. దీంతో స్థానికులంతా ఊపిరాడక ఉక్కిరిబిక్కిరవుతున్నారు.