కువైట్: వ్యాక్సిన్ పొందని 18 ఏళ్ళ లోపు ప్రయాణీకులకు వారం రోజులపాటు తప్పనిసరిగా ఇనిస్టిట్యూషనల్ క్వారంటైన్ వుంటుంది. ఈ విషయాన్ని అధికారిక వర్గాలు ధృవీకరించాయి. చిన్న పిల్లలతోపాటు తల్లిదండ్రుల్లో ఎవరో ఒకరు క్వారంటైన్ సమయంలో సహాయంగా వుండాల్సి వస్తుంది. కాగా, గత కొద్ది రోజులుగా కువైట్‌లో కరోనా పాజిటివ్ కేసుల సంఖ్య గణనీయంగా తగ్గుతోంది. దాంతో, తిరిగి సాధారణ జన జీవితం కనిపిస్తోంది. అయితే, ప్రతి ఒక్కరూ కరోనా విషయంలో జాగ్రత్తగా వుండాలని అథారిటీస్ సూచిస్తున్నాయి.