మనామా: ఒక వ‌స్తువుకు బిల్ ఇచ్చిన త‌ర్వాత దాన్ని మ‌ళ్లీ రిట‌ర్న్ తీసుకోబోమంటూ బిల్లింగ్ పై మ‌నం త‌ర‌చూ చూస్తూనే ఉంటాం. ఈ స్టోర్స్ నుంచి కొన్న వ‌స్తువుల‌కు సంబంధించిన బిల్లుల‌పై కూడా ఇలాంటి ష‌ర‌తులు మ‌న‌కు క‌న్పిస్తుంటాయి. అయితే..ఇది వినియోగ‌దారుల హ‌క్కుల‌కు భంగం క‌లిగించ‌ట‌మేన‌ని, చ‌ట్ట‌విరుద్ధ‌మ‌ని వినియోగ‌దారుల హ‌క్కుల చ‌ట్టం చెబుతోంది. ఏ వ‌స్తువునైనా ఈ స్టోర్స్ ద్వారా కొనుగోలు చేసిన‌ట్లైతే...అది న‌చ్చ‌కున్నా, డ్యామేజ్ అయినా, మీరు ఆర్డ‌ర్ ఇచ్చిన వ‌స్తువు మీ అంచ‌నాల‌కు త‌గిన‌ట్లుగా లేకున్నా 15 రోజుల్లో వాప‌స్ ఇచ్చేందుకు అవ‌కాశం ఉంటుంది. ఈ హ‌క్కును ఏ కంపెనీలు తిర‌స్క‌రించేవు. అంతేకాదు వినియోగ‌దారుల హ‌క్కు చ‌ట్టం ప్ర‌కారం ఒక వ‌స్తువును ఈ స్టోర్ నుంచి కొనుగోలు చేసిన త‌ర్వాత 15 రోజుల్లో రిట‌ర్న్ ఇస్తే..ఆ వ‌స్తువు రిప్లేస్ చేయాల్సిన బాధ్య‌త కూడా స‌ద‌రు కంపెనీల‌కు ఉంటుంద‌ని వినియోగ‌దారుల హ‌క్కుల విభాగం స్ప‌ష్టం చేసింది.