దుబాయ్: చైనాకి చెందిన సంస్థ నియోలిక్స్, సెల్ప్ డ్రైవింగ్ వాహనాల్ని నూన్ కామ్ (ఆన్ లైన్ మార్కెటింగ్ ప్లేస్) సంస్థతో కలిసి తీసుకురాబోతోంది. ఈ వాహనాలు పార్సిళ్ళను గమ్యస్థానాలకు చేర్చనున్నాయి. ఈ వాహనాలకు ఓ స్క్రీన్ వుంటుంది, దానిపై ప్రత్యక్షమయ్యే క్యూఆర్ కోడ్ ద్వారా వస్తువుల డెలివరీ సజావుగా సాగుతుంది. పూర్తిస్థాయి ఆటోమేటెడ్ వ్యవస్థతో ఈ వాహనాలు పనిచేస్తాయి. వచ్చే నెల మొదటి వారంలో ఈ వాహనాలు తమ కార్యకలాపాల్ని ప్రారంభించే అవకాశం వుంది. ఈ వాహనం తనంతట తాను అమ్మకం సాగించేలా కూడా ఉపయోగపడుతుంది. కొన్ని వస్తువుల్ని ఈ వాహనం దగ్గర వినియోగదారులు కొనుగోలు చేయవొచ్చు. ప్రధాన రహదారికి దూరంగా వుండే కమ్యూనిటీస్‌కి ఈ వాహనాలు ఉపయోగపడతాయి.

--బాలాజీ(మాగల్ఫ్ ప్రతినిధి,యూఏఈ)