యూఏఈ: దుబాయ్ ఇంటర్నేషనల్ (DXB) ఎయిర్ పోర్ట్ అక్టోబర్‌లో ప్రపంచంలోనే అత్యంత రద్దీగా ఉండే విమానాశ్రయంగా నిలిచింది. మరోసారి  అగ్రస్థానాన్ని దక్కించుకుంది.  2021 మొదటి ఏడు నెలల్లో 13 మిలియన్ల మంది ప్రయాణికులు ఎమిరేట్ ఎయిర్ పోర్టుల నుంచి రాకపోకలు సాగించారు. అక్టోబర్‌లో 2.72 మిలియన్ ప్రయాణికులతో దుబాయ్ ఇంటర్నేషనల్ ఎయిర్ పోర్ట్...అమ్‌స్టర్‌డామ్ ఎయిర్ పోర్టును అధిగమించి అగ్రస్థానంలో నిలిచింది. మొత్తంగా దుబాయ్ ఎయిర్ పోర్టులు 2021 మొదటి ఏడు నెలల్లో కార్గో తరలింపుతో పాటు సుమారు 13 మిలియన్ల మంది ప్రయాణికులకు సేవలందించాయి. ఎక్స్ పో 2020 నేపథ్యంలో వచ్చే ఆరు నెలల్లో ప్రయాణికుల రద్దీ గణనీయంగా పెరుగుతుందని దుబాయ్ సీనియర్ ఏవియేషన్ అధికారులు అంచనా వేస్తున్నారు.