మినిస్ట్రీ ఆఫ్‌ హెల్త్‌ అండ్‌ ప్రివెన్షన్‌ వర్గాలు, వలసదారుల కోసం మెడికల్‌ ఎగ్జామినేషన్‌ ప్రక్రియలో హెల్త్‌ కార్డ్‌ తప్పనిసరి నిర్ణయాన్ని రద్దు చేసినట్లు వెల్లడించాయి. గతంలో దీన్ని తప్పనిసరి చేస్తూ మినిస్ట్రీ ఆఫ్‌ హెల్త్‌ అండ్‌ ప్రివెన్షన్‌ నిర్ణయం తీసుకుంది. అయితే మెడికల్‌ ఎగ్జామినేషన్‌లో హెల్త్‌ కార్డ్‌ను తప్పనిసరి చేసే నిర్ణయాన్ని రద్దు చేశామని మినిస్ట్రీ వర్గాలు పత్రికా ప్రకటన ద్వారా వెల్లడించాయి. ఆరోగ్యకరమైన సమాజం కోసం వలసదారులకు మెడికల్‌ టెస్ట్‌లు కొనసాగుతాయనీ, ప్రధానంగా ఇతరుల ద్వారా సోకే వ్యాధుల నివారణ కోసం ఈ ప్రక్రియ ఉపయోగపడ్తుందని మినిస్ట్రీ వర్గాలు చెప్పాయి. ఫిట్‌నెస్‌ సర్టిఫికెట్‌ పొందాక, హెల్త్‌ కార్డ్‌ లేదా హెల్త్‌ ఇన్స్యూరెన్స్‌ని పొందడానికి వీలవుతుంది. హెపటైటిస్‌ బి మరియు హెపటైటిస్‌ సి వైద్య పరీక్షల స్క్రీనింగ్‌ కార్మికుల కోసం నిర్వహిస్తారు.