ఒంటరిగా ఫ్లైట్ లో ప్రపంచయాత్ర.. రియాద్ లో ఆగిన మహిళ కెప్టెన్

- January 08, 2022 , by Maagulf

సౌదీ: ప్రపంచవ్యాప్తంగా సోలోగా విమానాన్ని నడిపిన అతి పిన్న వయస్కురాలైన మహిళా పైలట్‌గా రికార్డు సృష్టించే ప్రయత్నంలో బెల్జియన్ జాతీయురాలు జారా రూథర్‌ఫోర్డ్ తేలికపాటి ఫ్లైట్ లో ప్రపంచ యాత్ర చేస్తోంది. ఇందులో భాగంగా గురువారం రియాద్‌లోని కింగ్ ఖలీద్ ఇంటర్నేషనల్ ఎయిర్పోర్ట్ లో ఆగింది. 20 ఏళ్ల మహిళా పైలట్ యునైటెడ్ అరబ్ ఎమిరేట్స్ నుంచి రియాద్ చేరుకున్నది. సౌదీ అరేబియాలోని బెల్జియం రాయబారి డొమినిక్ మైనూర్, అనేక మంది రియాద్ ఎయిర్‌పోర్ట్స్ కంపెనీ, సౌదీ ఏవియేషన్ క్లబ్ అధికారులు ఆమెకు స్వాగతం పలికారు.సౌదీ అరేబియాతో సహా 52 దేశాల గుండా ఐదు ఖండాల్లో 32,000 మైళ్ల దూరం ప్రయాణించాలనే లక్ష్యంతో ప్రొఫెషనల్ కెప్టెన్ తన షార్క్ విమానంలో ఆగస్టు 2021లో పశ్చిమ బెల్జియంలోని కోర్ట్రిజ్క్-వెవెల్‌గెమ్ ఇంటర్నేషనల్ ఎయిర్పోర్ట్ నుండి బయలుదేరింది.