టాలీవుడ్ ట్రెండ్ క్రియేషన్ మొదలైందని చెప్పాలి.. ఇదవరకు మల్టీస్టారర్ అంటే ఇద్దరు హీరోలకు సమానమైన ఇమేజ్ ఉండేలా ఫ్యాన్స్ ను సాటిస్ఫై చేసేలా చూసేవారు. కాని ఇప్పుడు పరిస్థితి మారింది పాత్ర ప్రాధాన్యతను బట్టి స్టార్ హీరో అయినా సరే ఓ సినిమాలో చిన్న రోల్ ఉంది అని తెలిస్తే చేసేస్తున్నారు. ప్రస్తుతం టాలీవుడ్లో నడుస్తున్న భారీ మల్టీస్టారర్ హవాలో రానున్న ఈ కాంబినేషన్ కూడా క్రేజ్ సంపాదించనుంది. అక్కినేని నాగచైతన్య హీరోగా మలయాళ సూపర్ హిట్ సినిమా ప్రేమం తెలుగులో అదే టైటిల్ తో రీమేక్ అవుతున్న సంగతి తెలిసిందే. చందు మొండేటి డైరెక్ట్ చేస్తున్న ఈ సినిమాలో అతిధి పాత్రలుగా కింగ్ నాగార్జున, విక్టరీ వెంకటేష్ నటిస్తున్నారు.అయితే ఈ మధ్యే విక్టరీ వెంకటేష్ కు సంబందించిన సన్నివేశాలు షూట్ చేయడం జరిగిందట. స్వయానా అల్లుడు హీరోగా నటిస్తున్న సినిమాలో మేనమామ నటించడం ఎంతో క్రేజీగా మారింది. కొద్దికాలంగా సినిమాల పరంగా వెనుకపడ్డ వెంకటేష్ తన సత్తా చాటాలని చూస్తున్నాడు. ఇక తనతో పాటుగా తన అల్లుడు కూడా స్టార్ ఇమేజ్ అందుకోవాలని తనకు సహకారం అందిస్తున్నాడు. ప్రేమం సినిమాలో ప్రిన్సిపాల్ రోల్ చేస్తున్నాడు వెంకటేష్. నాగచైతన్యకు క్లాస్ పీకే ప్రిన్సిపాల్ గా వెంకీ అదరగొట్టేశాడని టాక్. శరవేగంగా షూటింగ్ జరుపుకుంటున్న ఈ సినిమా ఈ సమ్మర్ వార్లో దిగనుంది. మలయాళంలో చిన్న సినిమాగా రిలీజ్ అయ్యి భారీ విజయాన్ని అందుకున్న ప్రేమం అదే ఫలితాన్ని తెలుగులో కూడా పొందాలని చూస్తున్నారు చిత్రయూనిట్. నాగ చైతన్యతో పాటుగా సినిమాలో శృతి హాసన్, అనుపమా పరమేశ్వరన్, మడోన్నా సెబాస్టియన్ నటిస్తున్నారు.