యూఏఈ: పవిత్ర Ramadan మాసంలో ఇఫ్తార్ ఏర్పాటుకు సంబంధించిన ప్రోటోకాల్‌ను నేషనల్ ఎమర్జెన్సీ క్రైసిస్ అండ్ డిజాస్టర్ మేనేజ్‌మెంట్ అథారిటీ (NCEMA) ప్రకటించింది. కరోనా ప్రభావం తగ్గడంతో అన్ని కార్యకలాపాలు పునఃప్రారంభించబడిన నేపథ్యంలో ప్రజారోగ్యం, భద్రతను కాపాడే జాతీయ వ్యూహానికి అనుగుణంగా కొత్త మార్గదర్శకాలు ఉన్నాయి. ప్రోటోకాల్ ప్రకారం.. ఇఫ్తార్ ఏర్పాటు చేయడానికి ముందస్తు అనుమతులను ఎమిరేట్స్ రెడ్ క్రెసెంట్ (ERC) నుండి పొందాలి. ప్రతి ఎమిరేట్‌లోని స్థానిక కమిటీలు, NCEMA బృందాలు ఇఫ్తార్ ఏర్పాటుకు సంబంధించిన అనుమతులను ఇస్తాయి. ఇఫ్తార్ గుడారాలను తప్పనిసరిగా అన్ని వైపుల నుండి తెరిచి ఉండే పందిరి రూపంలో రూపొందించాలి. లేదా ఎయిర్ కండిషన్ సౌకర్యం ఉండాలి. ఇఫ్తార్ లో పాల్గొనేవారు భౌతిక నిబంధనలు పాటించాలి. అలాగే శుభాకాంక్షల సమయంలో హ్యాండ్‌షేక్‌లను ఇవ్వవద్దు. ఇఫ్తార్ టెంట్లు ఇఫ్తార్ సమయానికి రెండు గంటల ముందు తెరవాలి (ప్రార్థనకు మగ్రిబ్ కాల్), రద్దీని నివారించడానికి ప్రతి ఎమిరేట్‌లో ఉన్న నిబంధనల ప్రకారం గ్రీన్ పాస్ సిస్టమ్‌ను తప్పనిసరిగా వర్తింపజేయాలి. ప్రోటోకాల్ ప్రకారం ప్రతి వ్యక్తికి డిస్పోజబుల్ ప్లేట్లు, కప్పులు, స్పూన్‌లను ఏర్పాటు చేయాలి. ప్రస్తుత ప్రోటోకాల్‌లో ప్రకటించిన అన్ని చర్యలను పాటించి సహకరించాలని అథారిటీ కోరింది.