కువైట్: అంతర్జాతీయ చట్టాలు, మానవ హక్కుల ప్రకారం "మెయిడ్" అనే పదాన్ని "డొమెస్టిక్ వర్కర్"గా మార్చారు. ఈ మేరకు ముసాయిదా చట్టాన్ని కువైట్ పార్లమెంట్ ఆమోదించింది. 32 మంది ఎంపీల ఆమోదం తెలిపగా.. ఒకరు వ్యతిరేకంగా ఓటు వేశారు. దేశీయ కార్మిక రంగాన్ని నియంత్రించే చట్టాలలో "పనిమనిషి(మెయిడ్)" అనే పదాన్ని ఉపయోగించడంపై అంతర్జాతీయ మానవ హక్కుల సంస్థలు, కార్మిక వ్యవహారాలకు సంబంధించిన ఏజెన్సీలు అభ్యంతరం వ్యక్తం చేశాయి. దీంతో "ప్రైవేట్ మెయిడ్" పదం స్థానంలో "ప్రైవేట్ డొమెస్టిక్ వర్కర్" అనే పదాన్ని చట్ట సవరణ ద్వారా కొత్తగా లేబర్ చట్టాల్లో చేర్చారు.