మనామా: అల్ నయీమ్ ప్రాంత వాసులు అక్రమ పార్కింగ్ నుంచి ఉపశమనం పొందారు. తవాసుల్ ద్వారా చేసిన ఫిర్యాదు నేపథ్యంలో అధికారులు అత్యంత వేగంగా స్పందించారు. అల్ నయీమ్ ప్రాంతం కాంప్లెక్స్ 303, రోడ్ 307 అలాగే అల్ మాజిల్‌లలో నివసిస్తున్నవారు అక్రమ పార్కింగ్ కారణంగా తీవ్ర ఇబ్బందులు పడుతున్నారు. ఈ నేపథ్యంలో వారు తవాసుల్ ద్వారా ఫిర్యాదు చేశారు. ఫిర్యాదుని అందుకున్న అధికారులు, పరిస్థితిని సమీక్షించారు, అక్రమ పార్కింగ్ నుంచి ఆ ప్రాంత వాసులకు ఉపశమనం క ల్పించారు. వర్క్ టీమ్ ఒకటి అందుబాటులో వుంచి, సమస్యల పరిష్కారం కోసం ఎప్పటికప్పుడు తగు చర్యలు తీసుకోవడం జరుగుతుందని అధికారులు తెలిపారు.