దుబాయ్: అత్యంత విలువైన రుబీ దుబాయ్‌లో నిర్వహిస్తున్న ఎస్‌జె గోల్డ్ మరియు డైమండ్ కాలిస్టో కలెక్షన్‌లో ప్రదర్శించడం జరిగింది. చాలా బరువైనది ఈ రుబీ. టాంజానియాలో దీన్ని కనుగొన్నారు. దీని బరువు 2.8 కిలోగ్రాములు. రఫ్ రుబీలలో అత్యంత బరువైనవాటిల్లో ఇదీ ఒకటని సదరు సంస్థ పేర్కొంది. ఇది సహజమైనది గనుకనే అత్యంత విలువైనదని మేనేజింగ్ డైరెక్టర్ పాట్రిక్ పిలాటి చెప్పారు. 120 మిలియన్ డాలర్ల వరకు దీని ధర పలకవచ్చునని అంచనా వేస్తున్నారు. మరో 30 రోజుల్లో ఈ రుబీని వేలం వేసే అవకాశం వుంది.