క్యారెక్టర్లు సెలెక్ట్ చేసుకోవడంలో త్రివిక్రమ్‌ది సెపరేట్ పంథా. ఆయా పాత్రల కోసం ఆయన ఎంచుకునే నటీనటులు, వాళ్లకు వచ్చిన గుర్తింపు వేరే లెవల్. అయితే, ఈ సారి మాత్రం త్రివిక్రముడి అంచనాల్ని అభిమానులు తప్పు పడుతున్నారు. 
మహేష్ బాబుతో త్రివిక్రమ్ తెరకెక్కిస్తున్న సినిమా కోసం ఈ సారి ఓ సీనియర్ నటుడ్ని రంగంలోకి దించాలనుకుంటున్నాడట మాటల మాంత్రికుడు. ఆయన సెలెక్షన్‌పై మహేష్ అభిమానులు అభ్యంతరాలు వ్యక్తం చేస్తున్నారట. 
అదేంటీ.? త్రివిక్రమ్ సెలెక్షన్‌నే తప్పు పట్టేలా, ఆ సీనియర్ నటుడు ఎవరై వుంటారబ్బా.? అనుకుంటున్నారా.? ఇంకెవరు మంచు మోహన్ బాబు. ఈ సినిమాలో ఓ ప్రత్యేకమైన పాత్ర కోసం మోహన్‌బాబుతో త్రివిక్రమ్ సంప్రదింపులు చేస్తున్నట్లు కాస్త ఉప్పందింది. 
దాంతో, అభిమానులు తమ అభ్యంతరాలను వ్యక్తం చేస్తూ, సోషల్ మీడియాలో ప్రచారానికి దిగారు. మోహన్ బాబు వద్దంటే వద్దు బాబోయ్ అంటూ రచ్చకు దిగారట. మరి, అభిమానుల్ని కాదంటే ఆ రిజల్ట్ ఎలా వుంటుందో ఊహించలేనంత అమాయకుడు కాదు త్రివిక్రమ్. నిజంగానే మోహన్‌బాబు ఆలోచన చేస్తున్నాడా.? లేక, జస్ట్ రిఫరెన్స్ కోసం పొగ రాజేశాడా.? అనేది తెలియాలంటే, ఇంకాస్త టైమ్ వెయిట్ చేయాల్సిందే. 
ఇటీవలే ఈ సినిమా ఫస్ట్ షెడ్యూల్ కంప్లీట్ చేసేసి, నెక్స్‌ట్ షెడ్యూల్ కోసం వచ్చే నెలలో ముహూర్తం ఫిక్స్ చేశాడు త్రివిక్రమ్ శ్రీనివాస్. అన్నట్లు ఈ సినిమాలో పూజా హెగ్దే, మహేష్‌కి జోడీగా నటిస్తోంది.