మెగాస్టార్ చిరంజీవి నటిస్తున్న ‘గాడ్ ఫాదర్’ సినిమాలో యంగ్ స్టర్ సత్యదేవ్ కీలక పాత్ర పోషిస్తున్న సంగతి తెలిసిందే. కీలకం అంటే, సినిమాకి మెయిన్ లీడ్ విలన్ రోల్ అది. హీరోగా వరుస సినిమాలు చేస్తున్న సత్యదేవ్‌ని ఏకంగా మెగాస్టార్‌కి విలన్‌గా చూడడమా.? అంటే, ఈ పాత్రకు సత్యదేవ్‌ని రికమెండ్ చేసింది స్వయానా మెగాస్టార్ చిరంజీవేనట.
స్వయంగా ఆ విషయాన్ని ఆయనే చెప్పారు. మలయాళ మూవీ ‘లూసిఫర్’కి రీమేక్‌గా రూపొందుతోన్న సినిమా ఇది. ఒరిజినల్‌లో వివేక్ ఒబెరాయ్ పోషించిన పాత్రలో సత్యదేవ్ కనిపించనున్నాడు. ఈ పాత్ర కోసం ఎవరిని తీసుకోవాలా.? అని ఆలోచిస్తున్న డైరెక్టర్ మోహన్ రాజాకి, సత్యదేవ్ అయితే బాగుంటాడనీ, ఆయన బాడీ లాంగ్వేజ్, ఒడ్డూ, పొడవూ క్యారెక్టర్ డెప్త్‌కి చక్కగా సూటవుతాయనీ చిరంజీవి చెప్పారట. 
చాలా ఇంటెన్స్‌తో నటించి, ఆ పాత్రకు పూర్తి న్యాయం చేశాడనీ, ఎంపిక చేసినందుకు ఖచ్చితంగా తన పేరు నిలబెడతాడనీ సత్యదేవ్‌పై చిరంజీవి నమ్మకం వ్యక్తం చేశారు. 
సత్యదేవ్‌కి చిరంజీవి అంటే ప్రత్యేకమైన అభిమానం. ఓ అభిమానిగా తాను ఆయనకు ప్రేమను మాత్రమే పంచగలను. కానీ, ఆయన నాకు జీవితంలో ఓ మైలురాయినే ఇచ్చారు.. అంటూ గాడ్ ఫాదర్ ఛాన్స్‌పై సత్యదేవ్ ఎమోషనల్ అయ్యారు. తన ఎమోషన్‌ని ట్వీట్ రూపంలో ఎక్స్‌ప్రెస్ చేస్తూ సోషల్ మీడియా ద్వారా చిరంజీవికి మనస్పూర్తిగా కృతజ్ఞతలు తెలిపాడు సత్యదేవ్. దసరా కానుకగా ఈ సినిమా అక్టోబర్ 5న ప్రేక్షకుల ముందుకు వస్తున్న సంగతి తెలిసిందే.