‘దేశముదురు’ సినిమాతో తెలుగు ప్రేక్షకులకు హీరోయిన్‌గా పరిచయమైన ముద్దుగుమ్మ హన్సిక. తొలి సినిమాతోనే సూపర్ హిట్ కొట్టడంతో పాటూ, స్టార్ హీరోల సరసన నటించి తనదైన ముద్ర వేసుకుంది. తెలుగుతో పాటూ, తమిళంలోనూ స్టార్ హోదా దక్కించుకున్న హన్సిక త్వరలో ఓ ఇంటిది కాబోతోంది. 
తన చిన్ననాటి స్నేహితుడు సోహైల్‌ని హన్సిక వివాహమాడబోతోంది. డిశంబర్ 4 న వీరి వివాహం ఘనంగా జరిపించేందుకు పెద్దలు నిశ్చయించారు. అందులో భాగంగా, తాజాగా దుర్గాదేవి పూజతో హన్సిక ఇంట పెళ్లి పనులు మొదలయ్యాయ్. ఈ తాజా ఈవెంట్‌లో హన్సిక, సోహైల్ సాంప్రదాయ దుస్తులు ధరించి ఫోటోలకు పోజిచ్చారు. ఈ ఫోటోలు నెట్టింట్లో వైరల్ అవుతున్నాయ్.
కాగా, డిశంబర్ 4న రాజస్థాన్, జైపూర్‌లోని ఓ పురాతన రాజకోటలో హన్సిక, సోహైల్ వివాహ వేడుకకు వేదిక కానుంది. అత్యంత సన్నిహితులు, కుటుంబ సభ్యుల మధ్య ఘనంగా హన్సిక వివాహం జరగనుంది.