కన్నడ బ్యూటీ శ్రీలీలా..! ‘పెళ్లి సందడి’ సినిమాతో తెలుగు ప్రేక్షకులకు అందంగా పరిచయమైన ముద్దుగుమ్మ. తొలి సినిమా భారీ అంచనాలతో రిలీజైంది. కానీ, అస్సలు అంచనాలను అందుకోలేకపోయింది. 

అయినా కానీ, హీరోయిన్‌గా శ్రీలీల టాలీవుడ్ జనాన్ని బాగా టెంప్ట్ చేసింది. అమ్మడి టెంప్టేషన్స్‌కి రెచ్చిపోయిన మేకర్లు బాగానే అవకాశాలిస్తూ వచ్చారు. 

దొరికిన ప్రతీ అవకాశాన్నీ ముందూ వెనకా ఆలోచించకుండా శ్రీలీల ఒప్పేసుకుంటోంది. దాంతో, తెలివిగా కెరీర్‌ బిల్డప్ చేసుకోలేకపోతోందన్న ఆరోపణలున్నాయ్.

చేసిన ఒక్క సినిమా అయినా పది కాలాలు చెప్పుకునేలా వుండాలి. కానీ, వస్తున్నాయ్ కదా.. అని అన్ని సినిమాలనూ ఓకే చేసేస్తే ఎలా వుంటుంది.? శ్రీలీలలాగే వుంటుంది. 
ఇప్పటికే రవితేజతో ‘ధమాకా’ సినిమాని ఒప్పుకోవడం పట్ల ఆమె అభిమానులు అసహనం వ్యక్తం చేస్తుంటే, తాజాగా త్రివిక్రమ్ సినిమాలో సెకండ్ హీరోయిన్ ఛాన్స్ కొట్టేసి మరోసారి ఫ్యాన్స్‌ని నిరుత్సాహపరుస్తోంది శ్రీలీల.

త్రివిక్రమ్ - మహేష్ సినిమాలో పూజా హెగ్దే హీరోయిన్ అన్న సంగతి తెలిసిందే. త్రివిక్రమ్ సినిమాలంటే సెకండ్ హీరోయిన్ వుండాల్సిందే. ఈ సారి ఆ ఛాన్స్ శ్రీలీల కొట్టేసిందన్న మాట. అయితే, సెకండ్ హీరోయిన్ రోల్ వల్ల శ్రీలీలకి పెద్దగా ఒరిగేదేమీ వుండదని ఫ్యాన్స్ అభిప్రాయం.