బహ్రెయిన్: వివాహం చేసుకుంటానని BD1,500ని మహర్‌గా అంగీకరించిన ఒక మహిళ.. ఆ తర్వాత వివాహం చేసుకోనని తప్పుకున్నది. దీంతో షరియా కోర్టు డబ్బును తిరిగి ఇవ్వాలని సదరు మహిళను ఆదేశించింది. కోర్టు ఫైల్స్ ప్రకారం.. వధువు కుటుంబం వారు వివాహానికి అంగీకరించినందుకు కాబోయే వరుడిని BD1,700 బహుమతిగా చెల్లించాలని కోరింది. ఆ వ్యక్తి నవంబర్ 2020లో చెల్లించాడు. అయితే, నిశ్చితార్థానికి నెల రోజుల ముందు.. వివాహం ఇష్టపడటం లేదని అమ్మాయి చెప్పింది. దీంతో BD1,700 తిరిగి ఇవ్వాలని వరుడి కుటుంబం కోరారు. కానీ అమ్మాయి తరఫువారు అంగీకరించలేదు. కేవలం BD200 మాత్రమే తిరిగిచ్చారు. దీంతో అతడు షరియా కోర్టును ఆశ్రయించాడు.  జాఫరీ కుటుంబ చట్టంలోని ఆర్టికల్ 4ను ఉటంకిస్తూ.. వివాహాన్ని పూర్తి చేయడానికి అందించిన డబ్బు షరతులతో కూడుకున్నదని కోర్టు తీర్పు చెప్పింది.