మస్కట్: డిసెంబర్ 18న జరిగే FIFA వరల్డ్ కప్ ఖతార్ 2022 ఫైనల్‌ 88,000 మంది సామర్థ్యం కలిగిన లుసైల్ స్టేడియంలో ఫైనల్ జరగనుంది. రీసేల్ కేటగిరీలో అధికారిక FIFA ప్లాట్‌ఫారమ్‌లో ఫైనల్ కోసం కొన్ని టిక్కెట్లు అందుబాటులో ఉన్నాయి. ఇతర అనేక ట్రావెల్ వెబ్‌సైట్‌లు రీసేల్ టిక్కెట్‌లు, హాస్పిటాలిటీ ప్యాకేజీలను అందిస్తున్నాయి. కొన్ని ప్రముఖ వెబ్‌సైట్‌లను నిశితంగా పరిశీలిస్తే.. ఇటీవలి రోజుల్లో సమ్మిట్ క్లాష్ టిక్కెట్‌ల ధరలు విపరీతంగా పెరిగాయని తెలుస్తోంది. టిక్కెట్లు వేగంగా అమ్ముడవుతున్నందున, ప్రముఖ వెబ్‌సైట్‌లలో ఒకటైన viagogo.com, డిసెంబర్ 18న లుసైల్ స్టేడియంలో జరిగే ఫైనల్ కోసం OMR1,500-OMR 2,500 వరకు టిక్కెట్‌లను అందిస్తోంది. మరో టికెట్ రీసెల్లింగ్ వెబ్‌సైట్ టికాంబో, కేటగిరీ 2లో OMR1,100 నుండి టిక్కెట్‌లను అందిస్తోంది. అయితే కేటగిరీ 1 టిక్కెట్లు OMR3,000 నుండి ప్రారంభమవుతాయి. ఈ వెబ్‌సైట్‌లో అందించే హాస్పిటాలిటీ ప్యాకేజీలు OMR4,500 ధరతో ప్రారంభమై OMR12,000 వరకు ఉన్నాయి. FIFA వెబ్‌సైట్ సెమీఫైనల్స్,  ఫైనల్స్‌తో కూడిన ఫైనల్ రౌండ్ ప్యాకేజీలను అందిస్తోంది. ఇవి  OMR3,500 నుండి ప్రారంభమై OMR6,900 వరకు ఉన్నాయి.