యూఏఈ: రస్ అల్ ఖైమాలోని వాడి షాహలో నీటి గుంటలో మునిగి 13 ఏళ్ల చిన్నారి, అతని 39 ఏళ్ల తండ్రి బుధవారం సాయంత్రం మరణించారు. సంఘటనపై సమాచారం అందగానే ఘటనా స్థలానికి చేరుకున్నామని, అప్పటికే వారు మరణించారని రస్ అల్ ఖైమా పోలీస్ యొక్క మెరైన్ రెస్క్యూ శాఖ వెల్లడించింది. గుంటలో మునిగిన కొడుకును రక్షించే క్రమంలో చిన్నారి తండ్రి కూడా మునిగిపోయాడని రెస్క్యూ శాఖ తెలిపింది. మెరైన్ రెస్క్యూ అధికారులు మృతదేహాలను వెలికితీసి మార్చురీకి తరలించారు.  చట్టపరమైన ప్రక్రియలను పూర్తి చేసేందుకు సంబంధిత అధికారులకు కేసును రిఫర్ చేసినట్లు పేర్కొన్నారు.