దుబాయ్: ఎమిరేట్‌లోని తల్లిదండ్రులు ఇప్పుడు స్కూల్ పికప్‌లు, డ్రాప్‌ల కోసం ఆన్‌లైన్ ట్యాక్సీలను ముందస్తుగా బుక్ చేసుకోవచ్చని దుబాయ్ రోడ్స్ అండ్ ట్రాన్స్‌పోర్ట్ అథారిటీ (RTA)  ప్రకటించింది. నివాసితులు ప్రతిరోజూ, వారానికో లేదా నెలవారీగా నడిచే పాఠశాల కోసం టాక్సీలను బుక్ చేసుకోవచ్చు.  ముఖ్యంగా పాఠశాల బస్సులు లేని ప్రదేశాలలో పేరెంట్స్ కు ఇది ఉపయుక్తంగా ఉంటుందని ఆర్టీఏ తెలిపింది. RTA దుబాయ్ టాక్సీ కార్పొరేషన్ (DTC) యాప్ ద్వారా బుకింగ్ చేసుకోవచ్చు. యాపిల్, ఆండ్రాయిడ్ వినియోగదారులకు ఈ యాప్ అందుబాటులో ఉంది. 'ఇన్-సేఫ్ హ్యాండ్స్' సేవ ద్వారా విద్యార్థుల తల్లిదండ్రులు తమ పిల్లలను పాఠశాలలకు తీసికెళ్లి తెచ్చేందుకు టాక్సీలను ముందస్తుగా బుక్ చేసుకోవడానికి వీలు కల్పిస్తుందని DTC డిజిటైజేషన్, కమర్షియల్ డెవలప్‌మెంట్ డైరెక్టర్ అబ్దుల్లా ఇబ్రహీం అల్ మీర్ అన్నారు. డిజిటల్ యాప్‌లో అందిస్తున్న సేవలకు డిమాండ్ పెరుగుతుందని, 2021-2022 మధ్య 122 శాతం పెరిగిందని తెలిపారు.