కువైట్: కువైట్ రిజిస్ట్రేషన్ సెన్సస్ 2021 ప్రాజెక్ట్ వివరాల ప్రకారం.. కువైట్ మొత్తం జనాభా 4,385,717. ఇందులో 34% ( 1,488,716) మంది కువైటీలు ఉన్నారని సెంట్రల్ స్టాటిస్టికల్ అడ్మినిస్ట్రేషన్ ప్రకటించింది. ముప్పై సంవత్సరాల కంటే తక్కువ వయస్సు ఉన్న కువైటీల సంఖ్య 904,688కి చేరుకుంది. కువైట్ స్త్రీల సంఖ్య 759,578 కాగా, కువైట్ పురుషుల సంఖ్య 729,638 అని తెలిపింది.అదే సమయంలో కువైటీలు కాని వారి సంఖ్య 2,897,001(66%)కి చేరుకుందని గణాంకాలు చెబుతున్నాయి. కువైటీలు కానివారిలో 1,941,628 మంది పురుషులు, 955,393 మంది స్త్రీలు ఉన్నారు. నివాస చట్టాన్ని ఉల్లంఘించిన వారి సంఖ్య 151,992 కాగా, ప్రవేశ వీసాలు 94,879, వీసా ఉల్లంఘించిన వారి సంఖ్య 26,985 అని కువైట్ రిజిస్ట్రేషన్ సెన్సస్ గణాంకాలు స్పష్టం చేశాయి.