మాస్ కా దాస్ విశ్వక్ సేన్ లీడ్ రోల్ పోషించిన ‘దాస్ కా ధమ్కీ’ సినిమా ఇటీవల ప్రేక్షకుల ముందుకొచ్చి బాక్సాఫీస్ వద్ద ఢీలా పడిన సంగతి తెలిసిందే.
ఈ మధ్యనే ఓటీటీ ఛానెల్ ‘ఆహా’ వేదికగా ‘ధమ్కీ’ స్ర్టీమింగ్ అవుతోంది. ధియేటర్లోనూ ఈ సినిమాను కాదు పొమ్మన్నారు. ఓటీటీ వేదికలోనూ ఓకే ఫర్లేదన్నారు.
మనోడు మాత్రం ఓటీటీ ప్రేక్షకుల్ని ధమ్కీ అదరగొట్టేస్తోంది.. ఊపేస్తోంది.. అంటూ కితాబిచ్చేస్తున్నాడు. మంచి సినిమాల్నీ ఓటీటీలో బాగా ఆదరిస్తున్నారు. అలాంటి ఆదరణే మా సినిమాకీ దక్కింది. ఈ ఆదరణ కోసమే, వచ్చే ఏడాది ఈ సినిమాకి సీక్వెల్ వదిలేస్తాం.. అంటూ నమ్మబలికేస్తున్నాడు.
అవును నిజమే, సీక్వెల్ కోసం లీడ్ వదిలిన సంగతి తెలిసిందే. కానీ, ఆశించిన రీతిలో ఆ సీక్వెల్ అయినా సక్సెస్ అవుతుందా.? అంటే లెట్స్ వెయిట్ అండ్ సీ.! అన్నట్లు విశ్వక్ సేన్ సినిమాలు వీలైనంత త్వరలోనే పూర్తయిపోయి ప్రేక్షకుల్లోకి వచ్చేస్తుంటాయ్‌లెండి. సో, పెద్దగా వెయిట్ చేయక్కర్లేదు. ప్రస్తుతం ఆయన చేతిలో మూడు నాలుగు ప్రాజెక్టులున్నాయ్ మరి.