తమిళ నటుడు విశాల్‌, మిల్కీబ్యూటీ తమన్నా జంటగా ఓ చిత్రం రూపుదిద్దుకోనుంది. విశాల్‌, మీరా జాస్మిన్‌ జోడీగా 2005లో విడుదలై విజయం సాధించిన 'పందెంకోడి'కి సీక్వెల్‌గా ఈ చిత్రం తెరకెక్కనుంది. ఇవాళ ఈ చిత్రం షూటింగ్‌లో పాల్గొన్నట్లు కథానాయకి తమన్నా తన ట్విట్టర్‌ ఖాతా ద్వారా తెలిపారు. చిత్రీకరణ చాలా సరదాగా జరుగుతుందని భావిస్తున్నట్లు ట్వీట్‌ చేశారు. పందెంకోడి దర్శకుడు లింగస్వామి ఈ చిత్రానికి దర్శకత్వం వహిస్తున్నారు. హాస్యనటుడు వడివేలు ఈ చిత్రంలో ప్రధాన పాత్రలో నటిస్తున్నారు.