మొబైల్‌, ట్యాబ్‌ ద్వారా బిలియన్‌కు పైగా యూజర్లను సొంతం చేసుకున్న ప్రముఖ మెసేజింగ్‌ యాప్‌ వాట్సాప్‌ ఇకపై డెస్క్‌టాప్‌ల్లోనూ అందుబాటులోకి రానుంది. డెస్క్‌టాప్‌ల కోసం ప్రత్యేకంగా యాప్‌ను విడుదల చేసింది సోషల్‌ మీడియా సంస్థ ఫేస్‌బుక్‌. ఇకపై ఈ డెస్క్‌టాప్‌ బ్రౌజర్‌తోనే మెసేజ్‌ చేసుకునే సౌలభ్యాన్ని కల్పిస్తోంది.
విండోస్‌ 8, ఆ తర్వాతి వెర్షన్లు, మ్యాక్‌ ఆపరేటింగ్‌ సిస్టమ్‌లలోనూ ఈ వాట్సాప్‌ డెస్క్‌టాప్‌ యాప్‌ పనిచేస్తుంది. డెస్క్‌టాప్‌లోనే ఈ యాప్‌ నేరుగా రన్‌ అవుతుండటంతో.. అన్ని షార్ట్‌కట్‌ ఆప్షన్స్‌ పనిచేస్తాయి.
అయితే ఇప్పటికే మొబైల్‌ ద్వారా వాట్సాప్‌ను డెస్క్‌టాప్‌కు అనుసంధానం చేసే సదుపాయం అందుబాటులో ఉంది. వాట్సాప్‌ వెబ్‌ అనే ఫీచర్‌తో మొబైల్‌ వాట్సాప్‌ యాప్‌ను స్కాన్‌ చేసి డెస్క్‌టాప్‌లో మెసేజ్‌ చేసుకోవచ్చు. అయితే ఈ డెస్క్‌టాప్‌ యాప్‌ వాట్సాప్‌ వెబ్‌ తరహాలోనే ఉంటుంది. అయితే మొబైల్‌ ద్వారా స్కాన్‌ చేసుకునే అవసరం లేకుండా.. నేరుగా డెస్క్‌టాప్‌లోనే వాట్సాప్‌ ఖాతాలు తెరుచుకోవచ్చు.