ఎన్నో సేవా కార్యక్రమాలు, సామాజిక కార్యక్రమాలు చేపడుతున్న యునైటెడ్ కింగ్ డమ్ తెలుగు సంఘం (యుక్తా) వారు తమ 6 వ వార్షికోత్సాన్ని లండన్‌లోని ట్రాక్సీలో ఘనంగా జరుపబోతున్నారు. జూలై 9న జరిగే ఈ కార్యక్రమానికి పవర్ స్టార్ పవన్ కళ్యాణ్ ముఖ్య అతిథిగా హాజరుకానున్నాడు. ఈ విషయాన్ని యునైటెడ్ కింగ్‌డమ్ తెలుగుసంఘం వారు సోషల్ మీడియా ద్వారా తెలిపారు. జూలై 9, శనివారం సాయంత్రం 5గం.ల నుండి రాత్రి 11గం.ల వరకు ఈ కార్యక్రమం జరగనుంది. ఈ ఈవెంట్ లో తెలుగు వారందరిని అలరించడానికి చలన చిత్ర గానామృతం, నృత్య రూపకాలు, జానపద గీతాలు మరియు సాంస్కృతిక కార్యక్రమాలు ఉండబోతున్నట్లు సంస్థ నిర్వాహకులు తెలిపారు. ఇక తెలుగు వారందరు ఈ కార్యక్రమానికి హాజరై ఈవెంట్ ని జయప్రదం చేయాలని వారు కోరారు. ఈ కార్యక్రమానికి సంబంధించిన టికెట్ల కోసం www.uktas.org.uk వెబ్‌సైట్‌ను సందర్శించాలి.