సౌదీ మూవీ డైరెక్టర్‌ మమ్దూ సలీం, దేశంలో సినిమా థియేటర్లు, మ్యూజిక్‌ కాన్సెర్ట్‌లకు సంబంధించి విప్లవాత్మక మార్పులు చోటుచేసుకోనున్నట్లు ఆశాభావం వ్యక్తం చేశారు. కింగ్‌ సల్మాన్‌ బిన్‌ అబ్దుల్‌ అజీజ్‌ అల్‌ సౌద్‌, క్యాబినెట్‌ను ఇటీవలే పునర్‌వ్యవస్థీకరించారు. జనరల్‌ అథారిటీ ఫర్‌ ఎంటర్‌టైన్‌మెంట్‌ని ఏర్పాటు చేశారు. ఈ సందర్భంగా కౌన్సిల్‌ ఆఫ్‌ మినిస్టర్స్‌ జనరల్‌ సెక్రెటేరియట్‌ అడ్వయిజర్‌ అహ్మద్‌ బిన్‌ అకీల్‌ అల్‌ ఖతీబ్‌ను జనరల్‌ అథారిటీ ఫర్‌ ఎంటర్‌టైన్‌మెంట్‌ ఛైర్మన్‌గా ఎంపిక చేశారు. విజన్‌ 2030లో భాగంగా దేశంలో సినిమా రంగం అభివృద్ధి చెందుతుందనీ, సౌదీ సంస్కృతీ సంప్రదాయాల గురించి ప్రపంచానికి ఇంకా బాగా తెలియడానికి సినిమాలు ఉపయోగపడ్తాయని సలీమ్‌ చెప్పారు. యువత సినిమా, నాటకం, మ్యూజిక్‌, కళలు వంటి రంగాల పట్ల ఆసక్తి పెంచుకోవాలనీ, టూరిజం డెవలప్‌మెంట్‌పైనా దృష్టి పెట్టాలని ఆయన పిలుపునిచ్చారు. రానున్న ఐదేళ్ళలో ఆర్ట్‌ అండ్‌ కల్చర్‌ రంగాల్లో చెప్పుకోదగ్గ మార్పులు చోటుచేసుకుంటాయని సలీమ్‌ అభిప్రాయపడ్డారు.