ప్రముఖ దర్శకుడు, నటుడు రాఘవ లారెన్స్‌ తన తల్లి కోసం గుడి కడుతున్నారు. ఈ గుడి మరో రెండు నెలల్లో నిర్మాణం పూర్తి చేసుకుని ఆరంభం కానున్నట్లు లారెన్స్‌ సోషల్‌మీడియా ద్వారా ఇటీవల తెలిపారు. ఈ సందర్భంగా గుడిలో ఏర్పాటు చేసిన తన తల్లి విగ్రహం, గుడి ఆవరణ కనిపించేలా తీసిన ఫొటోలను అభిమానులతో పంచుకున్నారు. ఈ గుడి ప్రపంచంలోని అందరు తల్లులకు అంకితం చేస్తున్నట్లు లారెన్స్‌ పేర్కొన్నారు. ప్రస్తుతం రాఘవ లారెన్స్‌ మొట్టశివ కెట్టశివ, ముని-4 చిత్రాల్లో నటిస్తున్నారు.