మ్యూజిక్‌ మేస్ట్రో ఇళయరాజా సంగీతం అందించిన బ్లాక్‌బస్టర్‌ హిట్‌ అగ్నినచ్చతిరం. మణిరత్నం దర్శకత్వంలో వచ్చిన ఈ సినిమా 1988లో తెలుగులో ఘర్షణ పేరుతో విడుదలై ప్రేక్షకులను ఆకట్టుకుంది. ఈ సినిమా వచ్చి ఏళ్లు గడుస్తున్నా ఇప్పటికీ పాటలకున్న ఆదరణ తగ్గలేదు.ఇప్పుడు ఈ సినిమాని దర్శకుడు బిజోయ్‌ నంబియార్‌ హిందీలో రీమేక్‌ చేయనున్నారు. వారసత్వం విషయంలో సవతి సోదరుల మధ్య జరిగే సంఘర్షణ నేపథ్యంలో ఈ చిత్రాన్ని తెరకెక్కిస్తున్నారు. ఇందులో హర్షవర్ధన్‌ రాణె, విక్కీ కౌశల్‌లు అన్నదమ్ముల పాత్రల్లో నటించనున్నారు. త్వరలో దీని షూటింగ్‌ ప్రారంభం కానుంది.