'సైజ్‌జీరో' చిత్రం కోసం బరువు పెరిగి కొత్త ప్రయత్నం చేసిన అనుష్క... తాజాగా అక్కినేని నాగార్జున నటించిన 'వూపిరి' చిత్రంలో ఆయన ప్రేయసి పాత్రలో కనిపించారు. అప్పటికే చాలా బరువు తగ్గినట్లు అనిపించిన అనుష్క ఇప్పుడు ఇంకా నాజూకుగా, అందంగా కనిపిస్తున్నారు. సోషల్‌మీడియా ద్వారా అప్పుడప్పుడు అభిమానులకు టచ్‌లో ఉండే అనుష్క శనివారం తన ఫేస్‌బుక్‌ ఖాతాలో ఒక ఫొటోను పోస్ట్‌ చేశారు. 'ఫన్‌ టైమ్‌ ఫ్యామిలీ టైమ్‌... ఈట్‌ ప్రే లవ్‌' అని పోస్ట్‌ చేశారు. ప్రస్తుతం ఈ ముద్దుగుమ్మ ఎస్‌.ఎస్‌. రాజమౌళి దర్శకత్వం వహిస్తున్న 'బాహుబలి: ది కన్‌క్లూజన్‌'లో నటిస్తున్నారు. అదేవిధంగా సూర్య హీరోగా తెరకెక్కిస్తున్న 'సింగం-3' చిత్రంలో కథానాయకిగా నటిస్తున్నారు.