రియాద్: సౌదీ ఫైనాన్స్ కంపెనీల సెక్టార్ 2022 వార్షిక పనితీరు నివేదికను సౌదీ సెంట్రల్ బ్యాంక్ (SAMA) విడుదల చేసింది. 2022లో ఫైనాన్స్ కంపెనీల సెక్టర్ కీలక పరిణామాలు, ఆర్థిక ఫలితాలను నివేదిక వివరించింది. నివేదిక ప్రకారం.. ఫైనాన్స్ కంపెనీల రంగంలో చాలా సూచికలు 2022లో పెరుగుదల నమోదు చేశాయి. పెయిడ్-అప్ షేర్ క్యాపిటల్ 0.6% పెరిగి SR14.64 బిలియన్లకు, నికర ఆదాయం 3.3% పెరిగి SR1.86 బిలియన్లకు మరియు మొత్తం ఆస్తులు 6.5% పెరిగి SR57.02 బిలియన్లకు చేరాయి. మొత్తం ఫైనాన్స్ పోర్ట్‌ఫోలియో 10.8% పెరిగి SR75.45 బిలియన్లకు చేరుకుంది. రుణ పోర్ట్‌ఫోలియో వర్గీకరణ పరంగా, రిటైల్ రంగం 76% అత్యధిక వాటాను కలిగి ఉంది. తర్వాత MSME రంగం 21%,  కార్పొరేట్ రంగం 3% గా నమోదైంది.