ఇటీవల రిలీజైన ‘జైలర్’ సినిమా మంచి విజయం అందుకున్న సంగతి తెలిసిందే. ఆ సినిమాతో పాటూ విడుదైన ‘భోళా శంకర్’ డిజాస్టర్‌ టాక్ తెచ్చుకుంది.

ధియేటర్లలో మంచి వసూళ్లు రాబట్టిన ‘జైలర్’ గత వారం ఓటీటీలోనూ విడుదలై అక్కడా మంచి టాక్ తెచ్చుకుంది. సీనియర్ హీరో రజనీకాంత్ ఫ్యాన్స్‌కే కాదు, ‘జైలర్’ చూశాకా అన్ని వర్గాల ప్రేక్షకులూ ఈ సినిమాని మెచ్చుకోకుండా వుండలేకపోతున్నారు.

అవును నిజమే.! ఈ తరహా సినిమాల్లో మన సీనియర్ హీరోలు మరిన్ని సినిమాల్లో నటిస్తే బావుంటుంది కదా.. అనే అభిప్రాయాలు వ్యక్తమవుతున్నాయ్.

రీసెంట్‌గా చిరంజీవి కూడా ఇదే విషయాన్ని ప్రస్థావించారట. డాన్సులేసి.. ఫైట్లు చేసి కష్టపడిపోవడం కాదు.. ‘జైలర్’ మాదిరి డిగ్నిటీ చెడకుండా. సీనియారిటీ తెగకుండా.. ఆడియన్స్ మెచ్చే ఎంటర్‌టైన్‌మెంట్ కంటెంట్‌తో సినిమాలు చేస్తే బావుంటుందని భావిస్తున్నారట. ఈ మార్పు మంచిదే. మొత్తానికి ‘జైలర్’ సినిమా సీనియర్ హీరోలపై కొత్త ఇంపాక్ట్ క్రియేట్ చేసిందనే చెప్పొచ్చేమో.!