యూఏఈ: సౌదీ అరేబియా 93వ జాతీయ దినోత్సవాన్ని పురస్కరించుకుని యూఏఈ అధ్యక్షుడు హిస్ హైనెస్ షేక్ మొహమ్మద్ బిన్ జాయెద్ అల్ నహ్యాన్ శుభాకాంక్షలు తెలిపారు. రెండు దేశాల మధ్య సోదర సంబంధాన్ని ప్రదర్శించే హృదయపూర్వక వీడియోను తన ఇన్ స్టాలో పోస్ట్ చేశారు. "రెండు పవిత్ర మసీదుల సంరక్షకుడు కింగ్ సల్మాన్ బిన్ అబ్దులాజీజ్, క్రౌన్ ప్రిన్స్ మొహమ్మద్ బిన్ సల్మాన్ సౌదీ ప్రజలకు వారి 93వ జాతీయ దినోత్సవం సందర్భంగా అభినందనలు. సౌదీ అరేబియా నిరంతరం పురోగతి సాధించాలి." అని ఆకాంక్షించారు. యూఏఈ వైస్ ప్రెసిడెంట్ మరియు ప్రధాన మంత్రి, దుబాయ్ పాలకుడు హిస్ హైనెస్ షేక్ మొహమ్మద్ బిన్ రషీద్ అల్ మక్తూమ్ కూడా సౌదీకి తన అభినందనలను తెలుపుతూ ట్విటర్ (ఎక్స్) లో ఓ పోస్ట్ షేర్ చేశారు.