యూఏఈ: ఆపిల్ పరికరాలలో గుర్తించబడిన భద్రతా లోపాలపై హెచ్చరికను సైబర్ సెక్యూరిటీ కౌన్సిల్ జారీ చేసింది. ఈ మేరకు X లో ఒక పోస్ట్‌ చేసింది. కొన్ని ఆపిల్ ఉత్పత్తులలో మూడు భద్రతా లోపాలను గుర్తించినట్లు తెలిపింది. "ఆపిల్ ఉత్పత్తులలో మూడు భద్రతా లోపాలను గుర్తించాం అవి ఐఫోన్ 8 , ఐపాడ్ మిని 5వ తరం, మాక్ ఓఎస్ Monterey, ఆపిల్ వాచ్  వెర్షన్ 4 లను లక్ష్యంగా చేసుకుంటున్నాయి." అని ప్రకటించారు. పూర్తి రక్షణను పొందేందుకు వారి ఆపిల్  పరికరాలను అప్‌డేట్ చేయవలసిందిగా అథారిటీ నివాసితులను కోరింది.