యూఏఈ: జాతీయ వాతావరణ కేంద్రం (ఎన్‌సిఎం) ప్రకారం.. బుధవారం యూఏఈలోని దిబ్బా ప్రాంతంలో 1.6 తీవ్రతతో భూకంపం సంభవించింది. ఫుజైరాలో ఉదయం 6.18 గంటలకు 5 కిలోమీటర్ల లోతులో స్వల్ప భూకంపం నమోదైందని అధికార యంత్రాంగం పేర్కొంది. చాలా మంది నివాసితులు భూకంప ప్రకంపనలను అనుభవించినట్టు సోషల్ మీడియాలో పేర్కొన్నారు. కాగా, యూఏఈ నివాసితులు భూకంపాల గురించి ఆందోళన చెందాల్సిన అవసరం లేదని నిపుణులు చెప్పారు. యూఏఈ తక్కువ నుండి మోస్తరు భూకంపాలను కలిగి ఉందని,  క్రియాశీల భూకంప బెల్ట్‌లో లేమని NCM సిస్మోలజీ విభాగం డైరెక్టర్ ఖలీఫా అల్ ఎబ్రీ తెలిపారు.