యూఏఈ: యూఏఈలో  సైక్లిస్ట్‌లు బైకింగ్ నియమాలు కేవలం ట్రాఫిక్ చిహ్నాలను అనుసరించడం, తగిన మార్గాల్లో ఉండడం మాత్రమే కాదని కొందరికి తెలియదు. కార్లకు జోడించిన క్యారియర్‌లపై సైకిళ్లను ఉంచడానికి కఠినమైన నిబంధనలు ఉన్నాయి. ఉల్లంఘిస్తే జరిమానా కూడా వర్తిస్తుంది. అబుదాబి నివాసి తన కారు వెనుక సైకిల్‌తో తన వాహనం నంబర్ ప్లేట్‌ను అస్పష్టంగా ఉంచినందుకు  Dh400 జరిమానా చెల్లించాల్సి వచ్చింది.  స్పష్టమైన విజిబిలిటీని నిర్ధారించడానికి డ్రైవర్లు తమ కార్ల వెనుక భాగంలో సైకిళ్లను పెట్టుకునే సమయంలో నంబర్ ప్లేట్‌ను తప్పనిసరిగా కనిపించేలా ఏర్పాటు చేసుకోవాలి. క్యారియర్‌కు అదనపు నంబర్ ప్లేట్‌ను సరిగ్గా అమర్చాలి. ఇటీవల అబుదాబి పోలీసులు సైకిల్‌ను మోసుకెళ్లే వాహనాల బూట్ లేదా ట్రంక్ వద్ద సైకిల్ హోల్డర్‌పై అదనపు నంబర్ ప్లేట్‌ను ఉంచడానికి డ్రైవర్లను ప్రోత్సహించే క్యాంపెయిన్ ను ప్రారంభించారు. కారు నంబర్ ప్లేట్ బ్లాక్ చేయబడితే, అది ట్రాఫిక్ ఉల్లంఘనగా పరిగణించబడుతుందని, దీనికి జరిమానా కూడా విధించబడుతుందని హెచ్చరించారు.