యూఏఈ: ఎమిరేట్ సెంట్రల్ ప్రాంతంలోని అల్ ఫయా దిబ్బల ప్రాంతాన్ని అధికారికంగా మూసివేయాలని షార్జా పోలీసులు నిర్ణయించారు. నవంబర్ 17( శుక్రవారం) సాయంత్రం అల్ ఫయా ఎడారిలో ఆఫ్-రోడింగ్ ప్రమాదంలో ఒక ఆసియా యువకుడు ప్రాణాలు కోల్పోయిన విషాద సంఘటన నేపథ్యంలో ఈ నిర్ణయం తీసుకున్నట్లు పేర్కొన్నారు. చట్టవిరుద్ధమైన ఆఫ్-రోడింగ్ కార్యకలాపాలలో పాల్గొనడం వాహనదారులు, వారితో పాటు వచ్చే కుటుంబాలు లేదా వ్యక్తుల జీవితాలకు ప్రమాదం కలిగిస్తుందని హెచ్చరించారు.

యూఏఈ జాతీయ, దుబాయ్ ఆఫ్‌రోడర్స్ డెసర్ట్ డ్రైవింగ్ ఇనిస్టిట్యూట్‌కు చెందిన సీనియర్ మార్షల్ అబ్దుల్లా ముహమ్మద్ అల్‌బ్లౌషి మాట్లాడుతూ.. ఒంటరిగా రైడ్ కు వెళ్లవద్దని సలహా ఇచ్చారు. ఆఫ్-రోడింగ్‌కు వెళ్లే ముందు పర్వతాలకు లేదా ఎడారులకు వెళ్లే ముందు ప్రజలు సరైన భద్రతా పరికరాలను కలిగి ఉండేలా చూసుకోవాలన్నారు. రద్దీగా ఉండే ప్రదేశాలకు దూరంగా ఉండాలని సూచించారు.