మస్కట్: లీజు ఒప్పందాల కోసం ఎలక్ట్రానిక్ సర్టిఫికేషన్ సేవ యొక్క మొదటి దశను అధికారికంగా మస్కట్ మునిసిపాలిటీ గురువారం ప్రారంభించింది. ఇందులో కొత్త రెసిడెన్షియల్ లీజు ఒప్పందాలు మాత్రమే ఉంటాయని పేర్కొంది. సేవ యొక్క తదుపరి దశలలో అనేక ఇతర రకాల లీజు ఒప్పందాల కోసం ఎలక్ట్రానిక్ ధృవీకరణ ప్రక్రియ ఉంటుందని పేర్కొన్నది. మొదటి దశలోఈ సేవ గతంలో అనుసరించిన విధానాల ప్రకారం నడిచే ఏజెన్సీలు, ప్రభుత్వ సంస్థలను మినహాయించి, సమాజంలోని సభ్యులందరికి వర్తిస్తుందని తెలిపింది. ఈ దశ లీజు సంబంధాన్ని నియంత్రించడం, యజమాని -లీజుదారు మధ్య అద్దె ఒప్పందాలను డాక్యుమెంట్ చేయడం, సేవా లావాదేవీలను పూర్తి చేయడంలో డిజిటల్ పరంగా సులభతరం చేసే సరళీకృతం చేసే ప్రయత్నంలో భాగంగా ప్రవేశపెట్టినట్లు మునిసిపాలిటీ తెలిపింది.