రియాద్: ఇజ్రాయెల్ దురాక్రమణతో నిరాశ్రయులైన వందల వేల మంది పౌరులకు చివరి ఆశ్రయంగా మారిన గాజా స్ట్రిప్‌లోని రఫాపై దాడికి దిగితే తీవ్ర పరిణామాలు ఉంటాయని  సౌదీ అరేబియా హెచ్చరించింది. ఇక్కడున్న వ్యక్తులు ఇప్పటికే అనేక కష్టాలు పడి ఆ ప్రాంతానికి చేరుకున్నారని, ఇప్పుడు వారిపై దాడులు చేయడంపై సౌదీ సీరియస్ అయింది. ఇజ్రాయెల్ చర్యలను తీవ్రంగా ఖండించింది. సౌదీ అరేబియా తక్షణ కాల్పుల విరమణ కోసం తన పిలుపును పునరుద్ఘాటించింది. అంతర్జాతీయ చట్టం,  అంతర్జాతీయ మానవతా చట్టాల నిరంతర ఉల్లంఘనపై ఐక్యరాజ్యసమితి భద్రతా మండలి తక్షణమే సమావేశమవ్వాలని కోరింది.