బాలకృష్ణ అత్యంత ప్రతిష్టాత్మకంగా భావిస్తున్న వందవ చిత్రం 'గౌతమి పుత్ర శాతకర్ణి'. ఈ చిత్రానికి సంబంధించి షూటింగ్‌ కార్యక్రమాలు శరవేగంగా జరుగుతున్నాయి. ఇటీవలే తొలి షెడ్యూల్‌ను మొరాకోలో పూర్తి చేశారు. తదుపరి షెడ్యూల్‌ కోసం సన్నాహాలు చేస్తున్నప్పటికీ ఇప్పటివరకు బాలకృష్ణ సరసనఏ హీరోయిన్‌ నటిస్తుందనే విషయంలో మాత్రం క్లారిటీ రాలేదు. ఈ చిత్రంలో బాలయ్య సరసన నయనతార, కాజల్‌, శ్రుతిహాసన్‌, అనుష్క...ఇలా టాలీవుడ్‌లోని అగ్రకథానాయికల పేర్లన్ని వినిపించినా ఎవరినీ ఎంపిక చేయలేదు. తాజాగా శ్రియ పేరు బాగా వినిపిస్తోంది. కథ, కథనం ప్రకారం బాలయ్యకి జోడీగా శ్రియ యాప్ట్‌గా ఉంటుందని దర్శకుడు క్రిష్‌ కూడా భావిస్తున్నట్టు తెలుస్తోంది.
దీంతో అతి త్వరలోనే శ్రియ పేరును అధికారికంగా ప్రకటించే వీలుందని సమాచారం. గతంలో బాలయ్య సరసన శ్రియ 'చెన్నకేశవరెడ్డి' చిత్రంలో నటించింది. ఆ సినిమా తర్వాత వీరిద్దరూ ఈచిత్రంలో నటించనున్నారు.