మెగాస్టార్ చిరంజీవి ఎండలను సైతం లెక్క చేయకుండా ‘విశ్వంభర’ షూటింగ్‌లో పాల్గొంటున్నారు. శరవేగంగా సినిమా షూటింగ్ జరుపుకుంటోంది.

తాజాగా అందుతోన్న సమాచారం ప్రకారం ప్రస్తుతం ఓ యాక్షన్ ఎపిసోడ్ చిత్రీకరణ జరుగుతోంది. దీనికోసం హైద్రాబాద్ శివార్లలో ఓ భారీ సెట్ వేశారట.

ఇంటర్వెల్ బ్లాక్‌కి ముందుగా వచ్చే ఈ యాక్షన్ ఎపిసోడ్‌ని చాలా ప్రత్యేకంగా డిజైన్ చేస్తున్నారట. ఫైట్ మాస్టర్లు రామ్ లక్ష్మణ్ ఆధ్వర్యంలో ఈ ఫైట్ సీన్ చిత్రీకరణ జరుగుతోంది.

సినిమాలో ఈ యాక్షన్ సీన్‌కి ఫ్యాన్స్‌కి గూస్ బంప్స్ రానున్నాయనీ అంటున్నారు. చాలా డెడికేషన్‌గా ఈ యాక్షన్ ఎపిసోడ్‌‌లో చిరంజీవి యాక్ట్ చేస్తున్నారనీ, ఆయన డెడికేషన్ చూసి సెట్‌లో అంతా ఆశ్చర్యపోతున్నారట.

ఇక ఈ సినిమాని యూవీ ప్రొడక్షన్స్ బ్యానర్‌లో ప్రతిష్టాత్మకంగా రూపొందిస్తున్నారు. ‘బింబిసార’ ఫేమ్ వశిష్ట దర్శకత్వం వహిస్తున్న సంగతి తెలిసిందే. కీరవాణి మ్యూజిక్ అందిస్తున్నారు. త్రిష్ హీరోయిన్‌గా నటిస్తోంది.