సమంత పనైపోయిందనుకున్నారంతా. కానీ, సమంత మళ్లీ వస్తోంది. ‘మయోసైటిస్’ అనే వ్యాధి కారణంగా సమంత ఇకపై సినిమాల్లో నటించేది లేదు.. అని ఫిక్స్ అయిపోయారు సినీ జనం.

అయినా ఆ తర్వాత ‘యశోద’ ‘శాకుంతలం’ అనే సినిమాలొచ్చాయ్ ఈ న్యూస్ బయటికొచ్చాకా. ఈ సినిమాలను మార్కెట్ చేసుకునేందుకు సమంత సింపథీ క్రియేట్ చేసిందన్న రూమర్లు కూడా లేకపోలేదు ఆ టైమ్‌లో.

అయితే, ఆ తర్వాత ‘ఖుషి’ సినిమాలోనూ సమంత నటించింది. ఇక, ఇప్పుడయితే సమంత ఖాళీగానే వుందనుకునేరు. కానీ సమంత ప్రధాన పాత్రలో ఓ కొత్త సినిమా అనౌన్స్ అయ్యింది.

అదే ‘మా ఇంటి బంగారం’. ఈ సినిమా ఫస్ట్ లుక్ గ్లింప్స్ ఇప్పుడు సోషల్ మీడియాలో వైరల్ అవుతోంది. కొత్తగా పెళ్లయిన యువతి పాత్రలో సమంత కనిపిస్తోంది. కానీ, చాలా వైల్డ్ లుక్స్‌లో. కిచెన్‌లో ఒంటి మీద రక్తపు మరకలతో చేతిలో గన్‌తో సమంత కనిపిస్తున్న లుక్ అది.

ఓ పక్క స్టవ్‌పై కుక్కర్ విజిల్, మరోవైపు ఓ క్యూట్ టెడ్డీ బేర్.. చాలా సీరియస్‌గా చేతిలో గన్ను పట్టుకుని ఎవరికో గట్టిగా గురి పెడుతున్న సమంత లుక్ చాలా ఇంటెన్సింగ్‌గా వుంది. అన్నట్లు ఈ సినిమాని సమంతే స్వయంగా నిర్మిస్తోంది కూడా. ఈ లుక్ ఇప్పుడు తెగ వైరల్ అవుతోంది. అయితే, ఈ సినిమాకి సంబంధించిన ఇతర వివరాలు మాత్రం ప్రస్తుతానికి సస్పెన్సే.!